అర్ధరాత్రి వీడియో కాల్ …ఆపై హోటల్ రూమ్‌లో శవంగా.. రేణుకను చంపిందెవరు?

హైదరాబాద్ లంగర్హౌస్ పోలీస్ స్టేషన్ పరిధిలో ఓ మహిళ అనుమానాస్పద స్థితిలో శవమై కనిపించడం సంచలనంగా మారింది. ఎండీ లైన్స్ ఏరియాలో ఉన్న వీ గ్రాండ్ హోటల్లో రేణుక (26) అనే యువతి డెడ్బాడీ లభించడంతో పోలీసులు కేసు నమోదు చేసి దర్యాప్తు చేస్తున్నారు. అయితే ఇది ఆత్మహత్య కాదని, పక్కా ప్లాన్ చేసి చంపారని మృతురాలి కుటుంబ సభ్యులు ఆరోపిస్తున్నారు. అసలు ఎవరీ రేణుక? పోలీసులు తెలిపిన వివరాల ప్రకారం.. పాతబస్తీ మూసాబౌలికి చెందిన రేణుకకు ఎనిమిదేళ్ల క్రితమే పెళ్లి అయింది. ఆమెకు ఆరేళ్ల కొడుకు కూడా ఉన్నాడు. అయితే వ్యక్తిగత కారణాలతో భర్తతో విడిపోయి, ప్రస్తుతం బొల్లారంలో తన సోదరి ఇంట్లో ఉంటుంది. కూకట్పల్లిలోని ఓ పబ్ లో డాన్సర్ గా పనిచేస్తోంది. ఈ క్రమంలోనే రేణుకకు గోల్కొండకు చెందిన ఫారుఖ్ (34) తో పరిచయం ఏర్పడింది. రూమ్ నెంబర్ 1611లో ఏం జరిగింది? మొన్న గురువారం రోజు లంగర్ హౌజ్ లోని వీ గ్రాండ్ హోటల్ కు ఫారుక్ తో కలిసి రేణుక వచ్చింది. ఐదవ ఫ్లోర్ లో ఉన్న రూమ్ నెంబర్ 1611 ను ఇద్దరు బుక్ చేసుకున్నారు. అర్ధరాత్రి వరకు మద్యం తాగినట్లు పోలీసులు గుర్తించారు. ఆ తర్వాత ఏదో పని మీద ఫారుఖ్ బయటికి వెళ్లాడట. తిరిగి రూమ్కి వచ్చేసరికి రేణుక ఉరి వేసుకుని విగతజీవిగా కనిపించిందని, తానే స్వయంగా పోలీసులకు సమాచారం ఇచ్చానని ఫారుక్ చెప్తున్నాడు. సూసైడ్కి ముందు వీడియో కాల్? స్పాట్కి చేరుకున్న పోలీసులు మృతదేహాన్ని పోస్ట్మార్టం కోసం హాస్పిటల్కి పంపారు. క్లూస్ టీమ్ రంగంలోకి దిగి సీసీటీవీ ఫుటేజ్, ఇతర ఆధారాలను కలెక్ట్ చేసింది. అయితే ఉరివేసుకునే ముందు తన క్లోజ్ ఫ్రెండ్కి రేణుక వీడియో కాల్ చేసి చనిపోతున్న విషయం చెప్పినట్లు పోలీసుల ప్రాథమిక విచారణలో తెలిసింది. కుటుంబ సభ్యుల అనుమానాలు అయితే పోలీసులు చెపుతున్న విషయాలను రేణుక కుటుంబ సభ్యులు నమ్మడం లేదు. తమ కూతురు ఆత్మహత్య చేసుకునే టైప్ కాదని గట్టిగా చెప్తున్నారు. ఆమె మృతదేహాన్ని చూస్తే చాలా అనుమానాలు ఉన్నాయని, ఇది వందకి వంద శాతం ఫారుక్ చేసిన హత్యేనని ఆరోపిస్తున్నారు. ఫారుక్ని కఠినంగా శిక్షించాలంటూ ఆసుపత్రి దగ్గర ఆందోళన చేశారు. పోలీసుల దర్యాప్తు.. కస్టడీలోకి ఫారుఖ్ రేణుక కుటుంబ సభ్యుల ఫిర్యాదుతో ఫారుక్ని అదుపులోకి తీసుకున్న పోలీసులు రహస్య ప్రదేశంలో విచారిస్తున్నారు. అతని స్టేట్మెంట్తో పాటు ఇద్దరి కాల్ డేటా, ఫోరెన్సిక్ రిపోర్ట్స్, అండ్ టెక్నికల్ ఎవిడెన్స్ని సేకరిస్తున్నారు. రూమ్ తీసుకున్న తర్వాత ఇద్దరి మధ్య ఏదైనా గొడవ జరిగిందా? ఆ గొడవ కారణంగానే రేణుక ఆత్మహత్య చేసుకుందా? లేక ఆమెను చంపేసి ఫారుఖ్ ఆత్మహత్యగా చిత్రీకరించేందుకు వీడియో కాల్ డ్రామా ఆడాడా? అనే కోణంలో పోలీసులు కేసును సీరియస్గా దర్యాప్తు చేస్తున్నారు.