వయనాడ్ ట్విన్ టన్నెల్ సైట్ దగ్గర ఘోర ప్రమాదం.. ఒకరు మృతి

కేరళలోని వాయనాడ్ జిల్లా మేప్పాడి పరిధిలో ఘోర ప్రమాదం జరిగింది. స్థానిక కల్లాడి ప్రాంత సమీపంలోని నిర్మాణంలో ఉన్న ట్విన్-టన్నెల్ ప్రాజెక్ట్ సైట్ వద్ద ఒక్కసారి వరద బీభత్సం సృష్టించింది. భారీ వరదలకు బురద మట్టి జారి అక్కడున్న పనిచేస్తున్న కార్మికులను ఒక్కసారిగా ముంచేసింది. మంగళవారం ఉదయం 11:30 గంటల ప్రాంతంలో జరిగిన ఈ ప్రమాదంలో ఒకరు చనిపోగా, ఆరుగురిని రక్షించి హాస్పిటల్కు తరలించారు. ఇంకా కొందరు ఆ శిథిలాల కింద చిక్కుకుపోయి ఉంటారనే అనుమానంతో ఆర్మీ, ఎన్డీఆర్ఎఫ్ (NDRF), ఫైర్ ఫోర్స్ రంగంలోకి దిగి మాసివ్ రెస్క్యూ ఆపరేషన్ రన్ చేస్తున్నాయి. మొదట కొండచరియలు విరిగిపడడంతో ఈ ప్రమాదం చోటుచేసుకుందని భావించారు. కానీ 'సాయిల్ పైపింగ్' కారణంగా ఈ ఘోరం సంభవించిందని అధికారులు తేల్చారు. సాయిల్ పైపింగ్ టన్నెల్ కోసం తవ్వకాలు జరిపినప్పుడు తీసిన మట్టిని సైన్స్ ప్రకారం కాకుండా పద్ధతి లేకుండా ఒకచోట కుప్పగా పోయడమే సాయిల్ పైపింగ్ . ఇష్టారీతిలో మట్టిని దిబ్బలాగా పోయడం వల్లే భారీ వర్షాలు , వరదలకు బురద రూపంలో మట్టి కిందకు దూసుకొచ్చిందని ప్రత్యక్ష సాక్ష్యులు చెబుతున్నారు. కొండపై నుంచి బురద ప్రవాహంలా వస్తూ అక్కడున్న టెంపరరీ వర్క్స్టేషన్లను ముంచేసిన ఈ వరదల వీడియోలు సోషల్ మీడియాలో వైరల్ అవుతున్నాయి. గత 24 గంటల్లో వాయనాడ్లో ఈ సీజన్ లోనే దాదాపు 265 mm భారీ వర్షం కురిసింది. ఈ కారణంగానే ప్రమాదం జరిగినట్లు తెలుస్తోంది. మానవ తప్పిదమే ఈ ఘటనపై కేరళ మంత్రులు ఏపీ అనిల్కుమార్, టీ సిద్దిఖీ స్పందిస్తూ తీవ్ర ఆందోళన వ్యక్తం చేశారు. ఇది పూర్తిగా మానవ తప్పిదమేనని తేల్చి చెప్పారు. వర్ష కాలంలో ఇలాంటి రిస్కీ టన్నెల్ పనులు ఆపేయాలని, ఇలాంటి ప్రతికూల వాతావరణ పరిస్థితుల్లో ఎలాంటి నిర్మాణ పనులు చేయవద్దని అధికారులు సైతం ముందే హెచ్చరించినట్లు తెలిపారు. అయినా సరే మేనేజ్మెంట్ సరైన యాక్షన్ తీసుకోకపోవడం వల్లే ఈరోజు ఇంత పెద్ద ప్రమాదం జరిగిందని మంత్రులు మండిపడుతున్నారు. సీఎం ఎమర్జెన్సీ మీటింగ్ ఈ యాక్సిడెంట్ జరిగిన స్పాట్కి చాలా దగ్గర్లోనే లేబర్ క్యాంప్స్ (కార్మికులు ఉండే షెడ్లు) ఉన్నాయి. ఆ బురద ప్రవాహం ఏమైనా ఈ లేబర్ క్యాంప్స్ మీద పడిందా? అనే కోణంలో కూడా అధికారులు దర్యాప్తు చేస్తున్నారు. అలాగే ప్రమాదం జరిగిన టైమ్లో పక్కనే ఉన్న బ్రిడ్జ్ మీద వెళ్తున్న వాహనాలు ఏమైనా మట్టి కింద పూడుకుపోయాయా? అనే భయాలు కూడా వ్యక్తమవుతున్నాయి. పరిస్థితి సీరియస్ గా ఉండటంతో కేరళ సీఎం వీడీ సతీశన్ అర్జెంట్ గా ఎమర్జెన్సీ మీటింగ్ పెట్టారు. క లెక్టర్, మంత్రులతో ఫోన్ లో మాట్లాడి రెస్క్యూ ఆపరేషన్స్ ని కోఆర్డినేట్ చేయాలని ఆదేశించారు. మీనంగాడి, కోజికోడ్ ల నుంచి వచ్చిన ఎన్డీఆర్ఎఫ్ టీమ్స్, లోకల్ పోలీసులు, ఫారెస్ట్ డిపార్ట్మెంట్ అంతా కలిసి రంగంలోకి మట్టిని తొలగిస్తున్నారు. ప్రస్తుతం వాయనాడ్ కలెక్టరేట్లో ఎమర్జెన్సీ ఆపరేషన్ సెంటర్ స్టార్ట్ చేశారు. అక్కడ ఉన్నవాళ్లు ఎవరైనా సరే సహాయం లేదా సమాచారం కోసం Toll-Free Number: 1077 లేదా 04936-204151 నంబర్లను సంప్రదించాలని అధికారులు కోరారు.