INDvsENG:నేడే ఇంగ్లండ్‌తో టీమిండియా డూ ఆర్ డై మ్యాచ్..సిరీస్ నిలవాలంటే గెలవాల్సిందే!

ఇండియా వర్సెస్ ఇంగ్లండ్ 5 మ్యాచ్ల టీ20 సిరీస్ ఇప్పుడు కీలక దశకు చేరుకుంది. ఈ సిరీస్లో భాగంగా మంగళవారం నాటింగ్హామ్ వేదికగా మూడో టీ20 మ్యాచ్ జరగనుంది. ఇప్పటికే ఈ సిరీస్లో టీమిండియా 0-1 వెనుకబడి ఉండటంతో ఈ మ్యాచ్ టీమిండియాకు చాలా కీలకంగా మారింది. కెప్టెన్ శ్రేయస్ అయ్యర్ సారథ్యంలో ఇప్పటివరకూ ఒక్క మ్యాచ్ కూడా గెలవలేదు. సిరీస్ ఆశలను సజీవంగా ఉంచుకోవాలన్నా .. శ్రేయస్ కెప్టెన్సీ ప్రూవ్ చేసుకోవాలన్నా. ఈ మ్యాచ్లో ఇండియా ఖచ్చితంగా గెలవాల్సిందే. లేదంటే సిరీస్ దక్కించుకోవడం కష్టమైపోతుంది. శ్రేయస్ అయ్యర్ విషయంలో కూడా మేనేజ్మెంట్ సెకండ్ థాట్ కి వెళ్లే ఛాన్స్ ఉంది . బ్యాటర్లు చెలరేగాలి ఈ సిరీస్లో ఫస్ట్ మ్యాచ్ వర్షం వల్ల క్యాన్సిల్ అవ్వగా, మాంచెస్టర్లో జరిగిన సెకండ్ టీ20లో ఇంగ్లండ్ చేతిలో భారత్ ఓడిపోయింది. అంతకుముందు ఐర్లాండ్ సిరీస్లోనూ మనవాళ్లకు చేదు అనుభవాలే ఎదురయ్యాయి. దీంతో ఇప్పుడు కెప్టెన్ శ్రేయస్ అయ్యర్ టీమ్పై ఒత్తిడి పెరిగింది. గత రెండు మ్యాచ్ల్లో ఇండియా 189, 190 రన్స్ చేసినప్పటికీ ఇంగ్లండ్ బౌలింగ్ అటాక్ ముందు అవి సరిపోలేదు. ఇంగ్లండ్ బౌలర్ల వైవిధ్యాన్ని తట్టుకుని మన బ్యాటింగ్ లైనప్ ఈ మ్యాచ్లో భారీ స్కోర్ చేయాల్సిన అవసరం ఎంతైనా ఉంది. వైభవ్ పైనే అందరి ఫోకస్ సెకండ్ టీ20 మ్యాచ్తో ఇంటర్నేషనల్ డెబ్యూ చేసిన 15 ఏళ్ల యంగ్ సెన్సేషన్ వైభవ్ సూర్యవంశిపై ఇప్పుడు అందరి దృష్టి ఉంది. ఫస్ట్ మ్యాచ్లో పెద్ద ఇన్నింగ్స్ ఆడకపోయినా, అతని అగ్రెసివ్ బ్యాటింగ్ స్టైల్ చూశాక ఫ్యాన్స్లో భారీ అంచనాలు పెరిగాయి. నాటింగ్హామ్ పిచ్పై వైభవ్ భారీ ఇన్నింగ్స్ ఆడతాడని.. ఫ్యాన్స్ ఎదురుచూస్తున్నారు. బిష్ణోయ్ అవుట్, ప్రిన్స్ ఇన్? ఈ మ్యాచ్లో టీమిండియా బ్యాటింగ్ ఆర్డర్లో పెద్దగా మార్పులు ఉండే ఛాన్స్ లేదు. ఓపెనర్లుగా అభిషేక్, వైభవ్ రానుండగా.. మిడిల్ ఆర్డర్లో ఇషాన్ కిషన్, శ్రేయస్ అయ్యర్, తిలక్ వర్మ, శివమ్ దూబే బాధ్యతలు తీసుకోనున్నారు. కానీ బౌలింగ్ విభాగంలో మాత్రం ఒక పెద్ద మార్పు జరిగేలా కనిపిస్తోంది. లాస్ట్ మ్యాచ్లో 4 ఓవర్లలో ఏకంగా 60 రన్స్ ఇచ్చి వికెట్ తీయలేకపోయిన లెగ్ స్పిన్నర్ రవి బిష్ణోయ్పై వేటు పడేలా ఉంది. నాటింగ్హామ్లోని ట్రెంట్ బ్రిడ్జ్ పిచ్ కండిషన్స్ ప్రకారం ఒక ఎక్స్ట్రా పేసర్ని తీసుకురావాలని మేనేజ్మెంట్ ప్లాన్ చేస్తోంది. అందుకే బిష్ణోయ్ ప్లేస్లో యంగ్ పేసర్ ప్రిన్స్ యాదవ్ టీమ్లోకి వచ్చే ఛాన్స్ ఉంది. ఇరు జట్ల అంచనా ప్లేయింగ్ XI (Probable XI): భారత్: అభిషేక్ శర్మ, వైభవ్ సూర్యవంశి, ఇషాన్ కిషన్ (W), శ్రేయస్ అయ్యర్ (C), తిలక్ వర్మ, అక్షర్ పటేల్, శివమ్ దూబే, హర్షిత్ రాణా, వరుణ్ చక్రవర్తి, అర్షదీప్ సింగ్, ప్రిన్స్ యాదవ్. ఇంగ్లండ్: ఫిల్ సాల్ట్, జోస్ బట్లర్ (W), హ్యారీ బ్రూక్ (C), జాకబ్ బెతెల్, టామ్ బెంటన్, సామ్ కరన్, విల్ జాక్స్, లియామ్ డాసన్, జోష్ టంగ్, ఆదిల్ రషీద్, జోఫ్రా ఆర్చర్. మ్యాచ్ టైమింగ్స్ & లైవ్ ఎక్కడ చూడాలి? భారత్-ఇంగ్లండ్ మధ్య జరిగే ఈ హై-వోల్టేజ్ 3rd T20 మ్యాచ్ మంగళవారం రాత్రి 10 గంటలకు స్టార్ట్ అవుతుంది. ఈ మ్యాచ్ని టీవీలో చూడాలనుకునే వారు డిజిటల్ డిష్ ద్వారా డీడీ స్పోర్ట్స్ (DD Sports) లో ఫ్రీగా ఎంజాయ్ చేయొచ్చు. మొబైల్ లేదా ఓటీటీలో చూడాలనుకుంటే సోనీలివ్ , జియో హాట్స్టార్ ప్లాట్ఫారమ్స్లో లైవ్ స్ట్రీమింగ్ అవైలబుల్గా ఉంటుంది. టీమిండియాకు ఈ మ్యాచ్ సిరీస్ డిసైడర్ లాంటిది. ఇంగ్లండ్ను వారి సొంత మైదానంలో ఎదుర్కోవడం అంత ఈజీ కాకపోయినా, మన యంగ్ ఇండియా గట్టిగా పోరాడితే విజయం అసాధ్యమేమీ కాదు. ముఖ్యంగా మ్యాచ్ ఆరంభ ఓవర్లలో బౌలర్లు, బ్యాటర్లు రాణించడం చాలా ముఖ్యం. మరి ఈ మ్యాచ్లో గెలిచి సిరీస్ ఆశలను భారత జట్టు సజీవంగా ఉంచుకుంటుందో లేదో చూడాలి..