Cristiano Ronaldo: రొనాల్డో.. సుదీర్ఘ ప్రపంచకప్ ప్రస్థానం సాగిందిలా..

ఫుట్బాల్ హిస్టరీలోనే మోస్ట్ ఎమోషనల్ మూమెంట్ వచ్చేసింది. కోట్లాది మంది ఫ్యాన్స్ గుండెలు పగిలేలా.. ఫుట్బాల్ దిగ్గజం, పోర్చుగల్ స్టార్ క్రిస్టియానో రొనాల్డో వరల్డ్ కప్ ప్రయాణం చాలా విషాదకరంగా ముగిసింది. కెరీర్లో ఇదే నా చివరి ప్రపంచకప్.. అని రొనాల్డో అనౌన్స్ చేసిన 24 గంటల లోపే.. అతనికి తీరని శోకం మిగిలింది. తన కెరీర్లో ఎన్నో క్లబ్ ట్రోఫీలు, పర్సనల్ అవార్డులు గెలిచినా.. ఆ ఒక్క వరల్డ్ కప్ ట్రోఫీని ముద్దాడాలనే రొనాల్డో కల తీరలేదు. ఆ వెలితితోనే రొనాల్డో కన్నీరు మున్నీరు అవుతూ వరల్డ్ కప్ ఆటకు వీడ్కోలు పలికాడు. ఫిఫా ప్రపంచకప్ 2026 టోర్నీలో భాగంగా డల్లాస్ స్టేడియం వేదికగా జరిగిన హై-వోల్టేజ్ ప్రిక్వార్టర్స్ పోరులో స్పెయిన్ 1-0 తేడాతో పోర్చుగల్ను మట్టికరిపించింది. ఈ మ్యాచ్లో రొనాల్డో ఫుల్ 90 నిమిషాల పాటు గ్రౌండ్లోనే ఉండి.. గోల్ కొట్టడానికి మూడు సార్లు గట్టిగానే ట్రై చేశాడు. కానీ స్పెయిన్ డిఫెన్స్ను ఛేదించలేకపోయాడు. ఈ ఓటమితో పోర్చుగల్ టోర్నీ నుంచి నిష్క్రమించగా.. మ్యాచ్ ముగిసిన తర్వాత రొనాల్డో ఎమోషనల్ అవుతూ గ్రౌండ్ వీడాడు. స్పెయిన్ మేనేజర్ లూయిస్ డి లా ఫ్యూయెట్ కూడా రొనాల్డో ఆటను పొగుడుతూ.. యువతకు అతను ఒక రోల్ మోడల్ అంటూ రెస్పెక్ట్ ఇచ్చాడు. వరల్డ్ కప్ ప్రస్థానం రొనాల్డో తన కెరీర్లో దాదాపు 21 ఏళ్ల పాటు పోర్చుగల్ జట్టు భారాన్ని ఒంటరిగా తన భుజాలపైనే మోశాడు. అతని సుదీర్ఘమైన వరల్డ్ కప్ జర్నీని ఒకసారి చూస్తే.. 2006లో కేవలం 21 ఏళ్ల వయసులో ఫస్ట్ టైమ్ వరల్డ్ కప్ ఆడాడు. ఆ ఏడాది పోర్చుగల్ సెమీఫైనల్స్ వరకు దూసుకెళ్లింది. ఇదే రొనాల్డో కెరీర్లో బెస్ట్ వరల్డ్ కప్ రన్. ఆ టోర్నీ క్వార్టర్ ఫైనల్లో ఇంగ్లాండ్తో జరిగిన పెనాల్టీ షూటౌట్లో రొనాల్డో డిసైడింగ్ గోల్ కొట్టి పోర్చుగల్ను గెలిపించాడు. అలాగే 2018లో స్పెయిన్పై కొట్టిన హాట్రిక్ గోల్స్ అతని కెరీర్లోనే బెస్ట్ వరల్డ్ కప్ పర్ఫార్మెన్స్ గా నిలిచిపోయింది. 27 మ్యాచ్లు.. 11 గోల్స్ రొనాల్డో తన వరల్డ్ కప్ హిస్టరీలో టోటల్ గా 27 మ్యాచ్లు ఆడి 11 గోల్స్ సాధించాడు. రొనాల్డో కెరీర్కు పర్ఫెక్ట్ గా సూట్ అయ్యేలా.. ఈ 2026 ఎడిషన్ రౌండ్ ఆఫ్ 32లో క్రొయేషియాపై పోర్చుగల్ 2-1తో గెలిచిన మ్యాచ్లోనే రొనాల్డో తన కెరీర్లోనే మొట్టమొదటి నాకౌట్-స్టేజ్ గోల్ సాధించాడు. 41 ఏళ్ల వయసులో వరల్డ్ రికార్డ్ ఈ 2026 వరల్డ్ కప్ టోర్నీలో రొనాల్డో 5 మ్యాచ్లలో 3 గోల్స్ చేసి అద్భుతంగా ఆడాడు. క్రొయేషియాపై కొట్టిన గోల్ ద్వారా.. 41 సంవత్సరాల 147 రోజుల వయసులో గోల్ చేసి, వరల్డ్ కప్ నాకౌట్ హిస్టరీలోనే ‘అత్యంత వృద్ధ గోల్స్కోరర్’ (Oldest Knockout Goalscorer) గా రికార్డు సృష్టించాడు. అంతేకాదు, ఆరు డిఫరెంట్ వరల్డ్ కప్ టోర్నీలలో గోల్స్ చేసిన ప్రపంచంలోనే ఏకైక ప్లేయర్గా రొనాల్డో హిస్టరీ క్రియేట్ చేశాడు. మెస్సి వర్సెస్ రొనాల్డో ఫుట్బాల్ ప్రపంచాన్ని శాసించిన అర్జెంటీనా స్టార్ లియోనెల్ మెస్సి - పోర్చుగల్ లెజెండ్ రొనాల్డో ఇద్దరూ వరల్డ్ కప్ స్టేజ్ పై ముఖాముఖి తలపడితే చూడాలని ఫ్యాన్స్ ఎన్నో ఏళ్లుగా వెయిట్ చేస్తున్నారు. కానీ అది జరగకుండానే రొనాల్డో ప్రస్థానం ముగిసింది. నిజానికి ఈ 2026 టోర్నీలో వీళ్లిద్దరూ క్వార్టర్ ఫైనల్లో తలపడే ఒక క్రేజీ ఛాన్స్ వచ్చింది. కానీ గ్రూప్ స్టేజ్లో పోర్చుగల్.. కొలంబియా కంటే వెనకబడి సెకండ్ ప్లేస్ లో నిలవడంతో ఆ ఛాన్స్ మిస్ అయింది. ఉజ్బెకిస్తాన్పై విక్టరీ తర్వాత రొనాల్డో కూడా మెస్సితో మ్యాచ్ గురించి.. "అలా జరిగితే టాప్ లెవల్ లో ఉంటుంది" అని ఇంట్రెస్ట్ చూపించాడు. కానీ బ్యాడ్ లక్, ఆ మ్యాచ్ జరగలేదు. మెస్సి 2014లో ఫైనల్స్ కి వెళ్లి, 2022లో వరల్డ్ కప్ గెలిచి తన కల నెరవేర్చుకోగా.. రొనాల్డో ప్రయాణం మాత్రం ఆ ట్రోఫీ వెలితితోనే ముగిసింది. ఇటీవల కాలంలో పోర్చుగల్ టీమ్లోకి కొత్త తరం యంగ్ ప్లేయర్స్ రావడం కాస్త ఊరటనిచ్చే విషయమే అయినా.. రొనాల్డో లేని పోర్చుగల్ టీమ్ను, వరల్డ్ కప్ను ఊహించుకోవడం ఫ్యాన్స్కు చాలా కష్టమే. ఫుట్బాల్ ఆటకు రొనాల్డో ఇచ్చిన వాల్యూస్, అతని డెడికేషన్ ఎప్పటికీ స్ఫూర్తినిస్తూనే ఉంటాయి.