కన్నీటితో ముగిసిన ఒక శకం..వరల్డ్‌కప్ కల నెరవేరకుండానే రొనాల్డో నిష్క్రమణ

ఫుట్బాల్ ప్రపంచంలో ఒక సుదీర్ఘమైన, అద్భుతమైన శకం ముగిసింది! కోట్లాది మంది అభిమానుల గుండెలు పగిలేలా..మైదానం నుంచి ఒక యోధుడు కన్నీళ్లతో నిష్క్రమించాడు. తన దేశానికి ఎలాగైనా సరే ఒక వరల్డ్ కప్ అందించాలన్న పోర్చుగల్ ఫుట్బాల్ లెజెండ్ క్రిస్టియానో రొనాల్డో కల.. చివరికి ఒక కలగానే మిగిలిపోయింది. 41 ఏళ్ల రొనాల్డో తన కెరీర్లో ఆఖరి ప్రపంచకప్కు అత్యంత భావోద్వేగాల మధ్య, కన్నీటితో వీడ్కోలు పలికాడు. ఫిఫా వరల్డ్ కప్ 2026 రౌండ్-16 నాకౌట్ మ్యాచ్లో జరిగిన ఒక హార్ట్ బ్రేకింగ్ సీన్ ఇప్పుడు సోషల్ మీడియాలో వైరల్ అవుతోంది. స్పెయిన్ సంచలన గోల్ డల్లాస్ వేదికగా జరిగిన ఈ హై-టెన్షన్ రౌండ్-16 నాకౌట్ మ్యాచ్లో స్పెయిన్ 1-0 తేడాతో పోర్చుగల్ను ఓడించి క్వార్టర్ ఫైనల్లోకి దూసుకెళ్లింది. నిజానికి మ్యాచ్ అంతా ఇరు జట్లు డిఫెన్స్తో ప్రాణాలు పెట్టేశాయి. కానీ మ్యాచ్ ముగిసే సమయానికి సరిగ్గా కొన్ని సెకన్ల ముందు, అంటే 91వ నిమిషంలో స్పెయిన్ సబ్స్టిట్యూట్ ప్లేయర్ మికేల్ మెరినో ఒక సంచలన గోల్ కొట్టాడు. ఈ ఒక్క గోల్తో పోర్చుగల్ ఆశలన్నీ అడియాసలయ్యాయి. టోర్నీ నుంచి పోర్చుగల్ నిష్క్రమించాల్సి వచ్చింది. ఈ ఘోర ఓటమితో ఆరు ప్రపంచకప్ ఎడిషన్ల పాటు సాగిన రొనాల్డో సుదీర్ఘ వరల్డ్కప్ ప్రస్థానానికి తెరపడింది. సోమవారం జరిగిన ప్రెస్ మీట్లో కూడా ఇదే తన చివరి వరల్డ్ కప్ అని రొనాల్డో అఫీషియల్ గా అనౌన్స్ చేశారు. ఫస్ట్ నుంచే మైండ్ గేమ్స్ ఈ మ్యాచ్ ప్రారంభమైన నిమిషం నుంచే ఇరు జట్ల మధ్య హోరాహోరీ పోటీ కనిపించింది. స్పెయిన్ యువ సంచలనం లామిన్ యమల్.. పోర్చుగల్ ఆటగాడు జోవా నెవెస్ను కింద పడేయడంతో పోర్చుగల్ మేనేజర్ రాబర్టో మార్టినెజ్ తీవ్ర ఆగ్రహం వ్యక్తం చేశారు. దీంతో ఆరంభంలోనే ఇరు జట్ల మధ్య మైండ్ గేమ్ స్టార్ట్ అయింది. మ్యాచ్ 4వ నిమిషంలోనే స్పెయిన్ ఫార్వర్డ్ ప్లేయర్ మికేల్ ఓయర్జబాల్ గోల్ చేయడానికి ఫస్ట్ ట్రై చేశాడు, కానీ పోర్చుగల్ గోల్ కీపర్ డియోగో కోస్టా సూపర్ అలర్ట్గా ఉండి ఆ బంతిని అడ్డుకున్నాడు. పోర్చుగల్ బ్యాడ్లక్ హైడ్రేషన్ బ్రేక్ తర్వాత స్పెయిన్ టీమ్ మ్యాచ్పై పట్టు సాధించేలా కనిపించినా, రొనాల్డో తన అక్రోబాటిక్ గాల్లోకి లేచి కొట్టే క్రేజీ నైపుణ్యంతో స్పెయిన్ గుండెల్లో రైళ్లు పరిగెత్తించాడు. పెడ్రో నెటో రైట్ వింగ్ నుంచి పంపిన అద్భుతమైన క్రాస్ను జోవా ఫెలిక్స్ అడ్డుకుని రొనాల్డో వైపు మళ్లించాడు. రొనాల్డో గాల్లోనే బంతిని హుక్ చేస్తూ గోల్ వైపు కొట్టాడు, కానీ ఈసారి కూడా స్పెయిన్ కీపర్ ఉనై సిమోన్ గోడలా అడ్డు నిలిచాడు. ఫస్టాఫ్ ముగిసే సమయానికి ఇరు జట్లు 0-0తో ఈక్వల్ గా నిలిచాయి. ఫస్టాఫ్లో స్పెయిన్ 55 శాతం బాల్ పొసెషన్ ఉంచుకుని 8 షాట్లు కొట్టగా, పోర్చుగల్ కేవలం 5 షాట్లు మాత్రమే కొట్టగలిగింది. మైదానంలోనే ఏడ్చేసిన CR7 ఎప్పుడైతే రెఫరీ ఫైనల్ విజిల్ వేశాడో.. అప్పటివరకు మ్యాచ్ గెలవడానికి పోరాడిన 41 ఏళ్ల క్రిస్టియానో రొనాల్డో ప్రపంచకప్ కెరీర్ ముగిసిందని అందరికీ అర్థమైపోయింది. తన చివరి ప్రపంచకప్ మ్యాచ్ ఇలా ఓటమితో ముగియడాన్ని రొనాల్డో తట్టుకోలేకపోయాడు. మ్యాచ్ ముగిసిన వెంటనే ఆయన మైదానంలోనే తీవ్ర భావోద్వేగానికి లోనై కన్నీరు కార్చాడు. ఆ గ్రేటెస్ట్ ప్లేయర్ ఏడుస్తూ గ్రౌండ్ వదిలి వెళ్తున్న విజువల్స్ చూసి ప్రపంచవ్యాప్తంగా ఉన్న ఫుట్బాల్ ఫ్యాన్స్ కన్నీళ్లు పెట్టుకుంటున్నారు. రొనాల్డోకు వరల్డ్కప్ ట్రోఫీ దక్కకపోయినా, ఆయన సాధించిన రికార్డులు, ప్రపంచ ఫుట్బాల్కి ఆయన ఇచ్చిన సహకారం ఎప్పటికీ చరిత్రలో నిలిచిపోతాయి. గెలుపోటములకు అతీతంగా క్రిస్టియానో రొనాల్డో ఎప్పటికీ వన్ ఆఫ్ ద గ్రేటెస్ట్ ఆఫ్ ఆల్ టైమ్ (GOAT) అని అంటున్నారు ఆయన అభిమానులు.