Health | బాత్రూంకు మొబైల్‌తో వెళ్తున్నారా? అయితే మీకు ఈ రోగాలు గ్యారంటీ..

ఈ రోజుల్లో పొద్దున లేచింది మొదలు రాత్రి పడుకునే వరకు చేతిలో స్మార్ట్ఫోన్ లేకపోతే ముద్ద దిగడం లేదు. సోషల్ మీడియా రీల్స్, చాటింగ్స్ అంటూ గంటల కొద్ది ఫోన్కి అడిక్ట్ అయిపోతున్నారు. ఈ అడిక్షన్ ఎంతవరకు వెళ్ళిందంటే.. బాత్రూమ్కి వెళ్ళేటప్పుడు కూడా తోడుగా ఫోన్ తీసుకెళ్తున్నారు. ఇది బ్యాడ్ హ్యాబిట్ మాత్రమే కాదు.. మీ హెల్త్ని సైలెంట్గా దెబ్బతీసే ఒక హెల్త్ డిజాస్టర్. చాలా మంది టాయిలెట్ సీటుని సోషల్ మీడియా రీల్స్ స్క్రోల్ చేయడానికి ఒక కంఫర్ట్ జోన్లా మార్చేసుకుంటున్నారు. కానీ, అక్కడ మొబైల్ వాడితే మన శరీరానికి జరిగే నష్డం అంతా ఇంతా కాదు. ఈ చిన్న అలవాటు మిమ్మల్ని హాస్పిటల్ పాలు చేయడమే కాకుండా ఫ్యూచర్ లో తీవ్రమైన అనారోగ్య సమస్యలకు దారితీస్తుందని డాక్టర్లు గట్టిగా వార్నింగ్ ఇస్తున్నారు. బాత్రూమ్లో మొబైల్ వాడితే వచ్చే నష్టాలు ఇవే.. హెమరాయిడ్స్ (పైల్స్) ముప్పు హాస్పిటల్స్కి వచ్చే పేషెంట్ల లిస్టులో రీసెంట్ గా హెమరాయిడ్స్ ఇష్యూతో బాధపడేవారి సంఖ్య విపరీతంగా పెరిగిపోయిందని డాక్టర్లు చెబుతున్నారు. బాత్రూమ్లో మొబైల్ చూస్తూ టైంపాస్ చేస్తే తెలియకుండానే గంటల తరబడి టాయిలెట్ సీటు మీద గడపాల్సి వస్తోంది. రోజుకు 10 నిమిషాల కన్నా ఎక్కువ సేపు టాయిలెట్ సీటుపై ఒకే పొజిషన్లో కూర్చుంటే లోయర్ బాడీపై విపరీతమైన ప్రెజర్ పడుతుంది. ఇది లోయర్ బాడీలో రక్త సరాఫరాను అడ్డుకుంటుంది. పెల్విక్ కండరాలు బలహీనపడటం ఎక్కువ సేపు ఒకే పొజీషన్ లో కూర్చోవడంతో పేగు కదలికలపై ఒత్తిడి పెరిగి, మలద్వారం దగ్గర ఉండే రక్తనాళాలు ఉబ్బినట్టుగా మారిపోతాయి. దీంతో భరించలేని నొప్పి, దురద, చికాకే కాకుండా .. మలవిసర్జన సమయంలో బ్లీడింగ్ కావడం వంటి తీవ్రమైన లక్షణాలు కనిపిస్తాయి. అంతేకాదు పెల్విక్ మజిల్స్ పూర్తిగా బలహీనపడి, చివరికి పేగు జారిపోయే ప్రమాదం కూడా ఉందని డాక్టర్లు హెచ్చరిస్తున్నారు. ఫోన్ బ్యాక్టీరియా అడ్డాగా మారడం బాత్రూమ్లోకి ఫోన్ తీసుకెళ్లడంతో అది మీ మొబైల్ను హానికరమైన సూక్ష్మక్రిములకు కేంద్రంగా మార్చేస్తుంది. రీసెర్చ్ ప్రకారం.. మనం బాత్రూమ్లో ఫ్లష్ చేసినప్పుడు టాయిలెట్ నుంచి విడుదలయ్యే మైక్రో సూక్ష్మకణాలు గాలిలో వ్యాప్తి చెంది, బాత్రూమ్ అంతా పేరుకుపోతాయి. ఈ గాలిలోని సూక్ష్మ క్రిములు మీ ఫోన్ స్క్రీన్పై చేరతాయి. ఆ తర్వాత మీరు అదే చేతులతో ఫోన్ వాడుతూ ఫుడ్ తిన్నప్పుడు, ఆ బ్యాక్టీరియా మీ బాడీలోకి వెళ్లి ఈజీగా రోగాల బారిన పడేలా చేస్తుంది. కొన్ని లేటెస్ట్ స్టడీస్ ప్రకారం.. సెల్ ఫోన్ల అతి వాడకం మన ఆలోచనా విధానాల్ని దారుణంగా దెబ్బతీస్తుంది. మొబైల్స్ తో మన ఫోకస్ అండ్ కాన్సంట్రేషన్ లెవెల్స్ తగ్గిపోతాయి. అంతేకాదు ఇది మన ఆలోచనా సామర్థ్యాన్ని కూడా తగ్గిస్తుంది. నార్మల్గా బాత్రూమ్లో ఉన్నప్పుడు మన గురించి మనం ప్రశాంతంగా ఆలోచించడానికి కాస్త ‘టైమ్’ దొరుకుతుంది. అటువంటి ఫ్రీ టైమ్ను కూడా వాడుకోకుండా.. ఫోన్లతో గడపితే మానసికంగా కుంగుబాటు రావొచ్చని ఎక్స్పర్ట్స్ చెబుతున్న మాట కాబట్టి ఈ రోజు నుంచే బాత్రూమ్కి వెళ్లే ముందే ఫోన్ను బయట పెట్టేయడం అలవాటు చేసుకోండి. టాయిలెట్ను ఒక ప్లే జోన్ లాగా , రీల్స్ అడ్డాగా చూడటం మానేస్తేనే ఈ అలవాటు నుండి బయటపడగలరు. హెల్తీ డైట్ మెయింటైన్ చేస్తూ బాడీని హైడ్రేటెడ్గా ఉంచుకుంటే బాత్రూమ్లో ఎక్కువ టైమ్ గడపాల్సిన అవసరమే రాదు. ఒకవేళ ఎలాంటి తీవ్రమైన అసౌకర్యం ఉన్నా అశ్రద్ధ చేయకుండా ఇమ్మీడియట్ గా డాక్టర్ని సంప్రదించి ట్రీట్మెంట్ తీసుకోవడం బెస్ట్