PAWAN-NANI |నానిని ఓజీ డైరెక్టర్ లైట్ తీస్కుంటున్నాడా? తెగ ఫీల్ అవుతున్న న్యాచురల్ స్టార్ ఫ్యాన్స్

'రన్ రాజా రన్' తో టాలీవుడ్లోకి సూపర్ ఎంట్రీ ఇచ్చిన డైరెక్టర్ సుజీత్.. ఫస్ట్ సినిమా తర్వాత ఏకంగా 5 సంవత్సరాలు గ్యాప్ తీసుకుని ప్రభాస్తో 'సాహో' లాంటి బిగ్గెస్ట్ యాక్షన్ మూవీ తీశాడు. ఆ తర్వాత అంతకు మించి టైమ్ తీసుకుని పవన్ కళ్యాణ్తో 'OG' ప్రాజెక్ట్ సెట్ చేశాడు. పవన్ను స్క్రీన్పై మోస్ట్ స్టైలిష్గా ప్రెజెంట్ చేయడంతో స్టోరీ కాస్త అటు ఇటుగా ఉన్నా కూడా ఆడియన్స్ కి బాగా ఎక్కేసింది. పవన్ మేనరిజంతో సినిమా బాక్సాఫీస్ దగ్గర మంచి వసూళ్లనే కలెక్ట్ చేసింది. ఆ ఊపుతోనే పార్ట్ 2 కూడా అనౌన్స్ చేశాడు డైరెక్టర్ సుజీత్. అయితే ఇప్పుడు ఫిలిం నగర్ సర్కిల్స్లో నడుస్తున్న ఇంట్రస్టింగ్ గాసిప్ ఏంటంటే ...పవన్ తో ఓజీ 2 కి కమిట్ అయ్యాడు కాబట్టి ...అంతకుముందే నానితో అనుకున్న మూవీని పక్కన పెట్టేశాడు అని. OG 2 కి రంగం సిద్ధం ప్రజెంట్ పవన్ కళ్యాణ్ డిప్యూటీ సీఎంగా పాలిటిక్స్ అండ్ అడ్మినిస్ట్రేషన్తో ఫుల్ బిజీగా ఉన్నారు. అయినా సరే సుజీత్ అడిగిన వెంటనే ఓజీ సీక్వెల్ కి పవన్ ఓకే చెప్పేసినట్లు టాక్. అంతేకాదు ఈ మూవీకి పవన్ స్వయంగా ప్రొడ్యూసర్గా కూడా వ్యవహరించబోతున్నారట. ప్రస్తుతం సుజీత్ ఈ సీక్వెల్ కోసం స్క్రిప్ట్ వర్క్ కూడా స్టార్ట్ చేశాడని, ఈ ఇయర్ ఎండ్కల్లా మూవీని సెట్స్ పైకి తీసుకెళ్లే ప్లాన్లో ఉన్నాడని ఇన్సైడ్ టాక్. మరి నాని సినిమా? నిజానికి 'సాహో' తర్వాత సుజీత్..నానితోనే సినిమా చేయాల్సింది. స్టోరీ కూడా ఆల్మోస్ట్ ఫైనల్ అయిపోయింది. ఎవరూ పెద్దగా నమ్మకం చూపించని టైంలో నాని.. సుజీత్కు ఛాన్స్ ఇచ్చాడు. కానీ, అదే టైమ్లో పవన్ కళ్యాణ్ నుంచి పిలుపు రావడంతో, నాని పెద్ద మనసు చేసుకుని సుజీత్-పవన్ ప్రాజెక్ట్కు లైన్ క్లియర్ చేశాడు. ఆ మధ్య నాని కూడా "త్వరలోనే సుజీత్తో సినిమా ఉంటుంది" అని అఫీషియల్గా అనౌన్స్ చేశాడు. దీంతో నాని తన 'ప్యారడైజ్' మూవీ కంప్లీట్ అవ్వగానే సుజీత్తోనే సెట్స్ పైకి వెళ్తాడని ఫ్యాన్స్ ఆశపడ్డారు. నాని కూడా డేట్స్ ఇవ్వడానికి ఎప్పుడూ రెడీగానే ఉన్నాడు. లైట్ తీసుకుంటున్నాడా? ఇప్పుడు సీన్ కట్ చేస్తే.. సుజీత్ మళ్లీ పవన్ వెంటే వెళ్తుండడంతో నాని మూవీ ఇంకా లేట్ అయ్యేలా కనిపిస్తోంది. దాదాపు 5 సంవత్సరాల నుంచి నాని-సుజీత్ కాంబోపై ప్రచారం జరుగుతున్నా, ఇప్పటివరకు ఎలాంటి అప్డేట్ లేదు. దీంతో "నాని ఇచ్చిన రెస్పెక్ట్కు సుజీత్ వాల్యూ ఇవ్వాలి.. OG 2 కంటే ముందే నాని సినిమా చేయాలి" అని నేచురల్ స్టార్ ఫ్యాన్స్ డిమాండ్ చేస్తున్నారు. మరి పవన్ 'OG 2' బిజీలో ఉండి నాని సినిమాను సుజీత్ నిజంగానే లైట్ తీసుకుంటున్నాడా? లేక ఈ లోపు నాని కూడా 'ప్యారడైజ్' షూటింగ్తో బిజీగా ఉండడం వల్లే గ్యాప్ వచ్చిందా? అనేది తెలియాలంటే సుజీత్ అఫీషియల్గా నోరు విప్పాల్సిందే.