Lenin Movie | ఈసారి ఇంటికొచ్చి కొట్టమంటున్న అక్కినేని వారసుడు. సినిమా పై అంత నమ్మకమా?

హీరో అఖిల్ అక్కినేని బాక్సాఫీస్ దగ్గర ఒక ప్రాపర్ కమర్షియల్ హిట్ ఎప్పుడు కొడతాడా అని ట్రేడ్ వర్గాలతో పాటు నార్మల్ ఆడియన్స్ కూడా ఎప్పటి నుంచో వెయిట్ చేస్తున్నారు. భారీ ఎంట్రీ ఇచ్చినప్పటికీ అఖిల్ కి లక్ అస్సలు కలిసి రావడం లేదు. డెబ్యూ మూవీ 'అఖిల్' డిజాస్టర్ అవ్వగా.. ఆ తర్వాత వచ్చిన 'హలో', 'మిస్టర్ మజ్ను', 'మోస్ట్ ఎలిజిబుల్ బ్యాచిలర్' సినిమాలు జస్ట్ యావరేజ్గా నిలిచాయి తప్ప సాలిడ్ కమర్షియల్ సక్సెస్ ఇవ్వలేదు. ఇక లాస్ట్ టైం వచ్చిన 'ఏజెంట్' మూవీ అయితే బాక్సాఫీస్ దగ్గర దారుణమైన ఫ్లాప్ గా మిగిలింది. వరుస ఎదురుదెబ్బలతో సతమతమవుతున్న అఖిల్.. ఈసారైనా 'లెనిన్' మూవీతో సాలిడ్ కంబ్యాక్ ఇచ్చి తన స్టామినా ప్రూవ్ చేసుకోవాలని కసితో ఉన్నాడు. ఆల్రెడీ లాస్ట్ సినిమా వచ్చి మూడేళ్లు దాటిపోవడంతో, ఈ జూలై 10న రాబోతున్న 'లెనిన్' పైనే అఖిల్ తన హోప్స్ అన్నీ పెట్టుకున్నాడు. సీన్ లోకి ఎంట్రీ ఇచ్చిన కింగ్ నాగార్జున అఖిల్ కి ఈసారి ఎలాగైనా ఒక మైండ్ బ్లోయింగ్ హిట్ ఇప్పించాలని కింగ్ నాగార్జున స్వయంగా రంగంలోకి దిగారు. కేవలం తండ్రిగానే కాకుండా.. ఒక సీనియర్ హీరోగా స్టోరీ డిస్కషన్స్, రీ-షూట్స్, అవుట్పుట్ చెకింగ్స్ అన్నీ దగ్గరుండి చూసుకున్నారు. అన్నపూర్ణ స్టూడియోస్ ఈ ప్రాజెక్ట్ లో నిర్మాణ భాగస్వామిగా మారడమే కాకుండా.. రీసెంట్ గా రిలీజ్ అయిన ట్రైలర్ కి నాగ్ పవర్ఫుల్ వాయిస్ ఓవర్ కూడా ఇచ్చి సినిమాపై అంచనాలను నెక్స్ట్ లెవెల్ కి తీసుకెళ్లారు. అయితే సొంత బ్యానర్ లో తండ్రి నిర్మాణంలో సినిమా చేయడం అంటే మామూలు విషయం కాదని చెప్పాడు అఖిల్. అన్నపూర్ణ బ్యానర్ లో సినిమా అంటే తలపై తుపాకీ పెట్టి పని చేసినట్టే ఉంటుందని, తన తండ్రి నాగార్జున.. కథ వంద శాతం నచ్చితేనే తప్ప మూవీస్ ప్రొడ్యూస్ చేయరని, అలా దిగిన తర్వాత ప్రాణం పెడతారని చెప్పుకొచ్చాడు. ఈ సినిమాతో ప్రొడక్షన్ పరంగా అఖిల్ కూడా చాలా విషయాలు నేర్చుకున్నాడట. అందుకే నటుడిగానే కాకుండా.. అన్ని డిపార్ట్ మెంట్లు సమన్వయం చేసుకుంటూ సెట్స్ లో ఫుల్ బిజీగా గడిపినట్లు తెలిపాడు. బడ్జెట్ వివాదాలపై క్లారిటీ 'లెనిన్' సినిమాకు చాలా రీషూట్లు నడిచాయనే ప్రచారం, మార్కెట్ ను మించి ఖర్చు చేశారంటూ సోషల్ మీడియాలో రకరకాల ఊహాగానాలు వినిపించాయి. వీటన్నింటిపై అఖిల్ చాలా ఓపెన్గా, ప్రాక్టికల్గా రెస్పాండ్ అయ్యాడు. "మా సినిమా కాస్ట్ ఫెయిల్యూర్ అవ్వదు.. ఆ గ్యారెంటీ నాది. ఎందుకంటే, ఇది కేవలం మా డబ్బు కాదు.. సితార ఎంటర్టైన్మెంట్స్ నాగవంశీ గారు కూడా ఇందులో భాగస్వామిగా ఉన్నారు. కథ డిమాండ్ మేరకు భారీ సెట్స్ వేశాం, గ్రాండ్ గా తీశాం. కానీ మా పరిధిలోనే బడ్జెట్ పెట్టాం. మా సినిమా మార్కెట్ ఏంటో మాకు తెలుసు. చాలా ప్రాక్టికల్ గా ఆలోచించే ఈ నిర్ణయాలు తీసుకున్నాం" అని రూమర్లకు ఫుల్ స్టాప్ పెట్టాడు. ఇలా చేస్తేనే సినిమా హిట్ అంతే కాదు.. ఈ సినిమా గురించి మరికొన్ని ఇంట్రస్టింగ్ విషయాలు షేర్ చేసుకున్నాడు అఖిల్ . తన కెరీర్ లో 'లెనిన్' లాంటి డిఫరెంట్ స్టోరిని ఇంతవరకు వినలేదంటూ..థియేటర్లలో ఆడియన్స్ కి ఈ మూవీ ఒక సరికొత్త విజువల్ అండ్ ఎమోషనల్ ఎక్స్పీరియన్స్ ఇస్తుందని చెప్పాడు. అలా ఇస్తేనే సినిమా కమర్షియల్ సక్సెస్ అవుతుందన్నాడు. ఇప్పుడున్న జనరేషన్ కి కొత్తదనం కోరుకునే పూర్తి హక్కు ఉందంటూ...అందుకే ఆడియన్స్ కి ఓవర్ ఎక్స్పెక్టేషన్స్ పెంచకుండా.. సినిమా ఎలా ఉండబోతుందో క్లియర్ గా చూపించడానికే ట్రైలర్ ని అలా పక్కాగా కట్ చేశామని బలంగా చెప్తున్నాడు. 'రంగస్థలం' తో కంపారిజన్ అయితే ట్రైలర్ చూసిన ఆడియన్స్ మాత్రం రామ్ చరణ్ రంగస్థలంతో కంపేర్ చేస్తున్నారు. చిత్తూరు బ్యాక్డ్రాప్ లో ఉన్న 'శ్రీరామపురం' అనే ఊరి చుట్టూ ఈ స్టోరీ తిరుగుతుంది. ఊరిలో తన అన్న కోసం ప్రత్యర్థులకు ఎదురు నిలబడే తమ్ముడిగా అఖిల్ యాక్ట్ చేస్తున్నాడు. రంగస్థలం లాగే ఇందులో కూడా హీరో అన్నయ్య చనిపోతాడని నెటిజన్లు సోషల్ మీడియాలో ఆల్రెడీ కథను గెస్ చేసేస్తున్నారు. హీరోయిన్ భాగ్యశ్రీ బోర్సే క్యారెక్టర్ కూడా అఖిల్ ని మ్యారేజ్ చేసుకున్న తర్వాత చనిపోతుందని టాక్. తన అన్నను, భార్యను చంపిన విలన్ గ్యాంగ్ పై హీరో రుద్రుడై ఎలా రివెంజ్ తీర్చుకున్నాడు అనేదే రొటీన్ విలేజ్ డ్రామా అని కొందరు కామెంట్స్ చేస్తున్నారు. కథ ఎంత పాతదైనా, విలేజ్ బ్యాక్డ్రాప్ ఎంత రొటీన్ గా అనిపించినా.. స్క్రీన్ప్లే గ్రిప్పింగ్ గా ఉండి, నటీనటులు బెస్ట్ పర్ఫార్మెన్స్ ఇస్తే సినిమాలు సూపర్ హిట్ అయిన సందర్భాలు చాలానే ఉన్నాయి. ట్రైలర్ లో అఖిల్ ఇంటెన్స్ యాక్టింగ్ అండ్ మేకోవర్ చూస్తుంటే థియేటర్ లో ఫ్యాన్స్ కి పూనకాలు రావడం ఖాయమనే అనిపిస్తోంది. ఇంటికొచ్చి కొట్టండి కెరీర్ లో చాలా గ్యాప్ తీసుకున్న అఖిల్.. ఈసారి మాత్రం అస్సలు గ్యాప్ తీసుకోనని, బ్యాక్ టు బ్యాక్ సినిమాలు చేస్తానని ఫ్యాన్స్కు స్ట్రాంగ్ ప్రామిస్ ఇచ్చాడు. " ఒకవేళ నేను టైమ్ తీసుకుంటే మాత్రం ఫ్యాన్స్ నా ఇంటికొచ్చి మరీ నన్ను కొట్టాలి. ఆ ప్రెజర్ నేను తీసుకోవాలి, అదే ఒత్తిడిలో వెంటనే సినిమాలు చేయాలి" అంటూ అఖిల్ చేసిన కామెంట్స్ ఇప్పుడు నెట్టింట తెగ వైరల్ అవుతున్నాయి. మరి ఈ జూలై 10న రాబోతున్న 'లెనిన్'.. అఖిల్ కి కెరీర్ బెస్ట్ హిట్ ఇచ్చి మళ్లీ సక్సెస్ ట్రాక్ ఎక్కిస్తుందా? లేక రొటీన్ రివెంజ్ డ్రామాగా మిగిలిపోతుందా? లెట్స్ వెయిట్ అండ్ సీ