1 Billion views |ఈ సినిమా ముందు కేజీఎఫ్ కూడా జుజూబీ.. 100 కోట్ల వ్యూస్ తో హిస్టారికల్ రికార్డ్..

ఒక సినిమా బాక్సాఫీస్ దగ్గర ఫ్లాప్ అయిందంటే.. దానర్థం ఆ కంటెంట్ లో దమ్ము లేదని కాదు , ఆ టైమ్లో ఆడియన్స్ ఆ సినిమాను సరిగా రిసీవ్ చేసుకోలేకపోయారని అర్థం. సూపర్ స్టార్ మహేశ్ బాబు నటించిన 1 నేనొక్కడినే , ఖలేజా మూవీస్ తో ఇది అల్రెడి ప్రూవ్ అయింది.రిలీజ్ అయినప్పుడు థియేటర్లలో సరిగ్గా ఆడకపోయినా.. ఆ తర్వాత టీవీల్లో, యూట్యూబ్లో అవి ఎలాంటి కల్ట్ స్టేటస్ తెచ్చుకున్నాయో మనమంతా చూశాం. ఇప్పుడు మళ్లీ.. థియేటర్లలో జనాలు లైట్ తీసుకున్న అలాంటి ఒక మాస్ కల్ట్ మూవీ.. సరిగ్గా తొమ్మిదేళ్ల తర్వాత డిజిటల్ ప్లాట్ఫామ్స్లో ఎవరూ ఊహించని రేంజ్ సెన్సేషన్ క్రియేట్ చేసింది. టాలీవుడ్ యంగ్ హీరో బెల్లంకొండ సాయి శ్రీనివాస్ , మాస్ డైరెక్టర్ బోయపాటి శ్రీను కాంబినేషన్లో వచ్చిన జయ జానకి నాయక మూవీ.. ఇప్పుడు ఇండియన్ ఫిల్మ్ హిస్టరీలోనే బాలీవుడ్ , టాలీవుడ్, మాలీవుడ్ ఇలా వుడ్ స్టార్ హీరోలకు సైతం సాధ్యం కాని ఓ మైండ్ బ్లోయింగ్ రికార్డ్ను తన ఖాతాలో వేసుకుంది. 2017లో డిజాస్టర్.. 2017లో బెల్లంకొండ సాయి శ్రీనివాస్, రకుల్ ప్రీత్ సింగ్ కాంబినేషన్ లో భారీ బడ్జెట్తో తీసిన హై-వోల్టేజ్ మాస్ అండ్ ఫ్యామిలీ ఎంటర్టైనర్ ‘జయ జానకి నాయక’. బోయపాటి మార్క్ యాక్షన్ ఎలిమెంట్స్, దేవిశ్రీ ప్రసాద్ మ్యూజిక్ ఉన్నప్పటికీ.. అప్పట్లో ఈ సినిమా బాక్సాఫీస్ దగ్గర అనుకున్నంత హిట్ కొట్టలేకపోయింది . రిలీజైన రోజు నుంచే మిక్స్ డ్ టాక్ తో ఘోరంగా ఫెయిల్ అయింది. దాదాపు ₹40 కోట్ల బడ్జెట్తో వస్తే.. థియేటర్లలో కేవలం ₹20 కోట్లు మాత్రమే కలెక్ట్ చేసి సైలెంట్ గా సైడ్ అయిపోయింది. 9 ఏళ్ల తర్వాత అరుదైన హిస్టరీ కానీ.. ఇదే సినిమా 9 ఏళ్ల తర్వాత డిజిటల్ వరల్డ్లో ఒక సరికొత్త హిస్టరీ క్రియేట్ చేసింది. ఈ తెలుగు వర్షన్ ని హిందీలో ‘ఖూన్ఖార్’ పేరుతో డబ్ చేసి ‘గోల్డ్మైన్స్ ఫిలిమ్స్’ వాళ్లు 2019 ఫిబ్రవరి 8 న యూట్యూబ్లో అప్లోడ్ చేశారు. అప్పటి నుంచి నార్త్ ఇండియా మాస్ ఆడియన్స్కి ఈ మూవీ నెక్స్ట్ లెవెల్లో కనెక్ట్ అయిపోయింది. రీసెంట్ గా ఈ సినిమా యూట్యూబ్లో ఏకంగా 1 బిలియన్ వ్యూస్ ని క్రాస్ చేసింది. యూట్యూబ్లో ఒక ఫుల్ లెంత్ ఇండియన్ మూవీ సింగిల్ అప్లోడ్తో 100 కోట్ల వ్యూస్ సాధించడం ఇదే ఫస్ట్ టైమ్. కేజీఎఫ్ కూడా వెనక్కి.. నార్త్ బెల్ట్లో ముఖ్యంగా రూరల్ ఏరియాల్లో బెల్లంకొండ శ్రీనివాస్ సినిమాలకు ఉండే క్రేజ్ చూసి.. బాలీవుడ్ స్టార్స్ సైతం షాకవుతుంటారు. తెలుగులో అట్టర్ ఫ్లాప్ అయిన ‘అల్లుడు అదుర్స్’, ‘కవచం’, ‘సీత’ సినిమాల హిందీ వెర్షన్స్కి కూడా యూట్యూబ్లో వందల మిలియన్ల వ్యూస్ వచ్చాయి. పాన్ ఇండియాను షేక్ చేసిన ‘KGF: Chapter 1’ హిందీ వెర్షన్ రికార్డును కూడా బెల్లంకొండ బాబు క్రాస్ చేశాడంటే నార్త్లో మనోడి నాన్-థియేట్రికల్ మార్కెట్ ఏ రేంజ్లో ఉందో అర్థం చేసుకోవచ్చు. యూట్యూబ్ వ్యూస్ తో బెల్లంకొండ గ్లోబల్ రికార్డ్స్ ని కూడా షేక్ చేస్తున్నాడు. సోషల్ మీడియాలో ట్రెండింగ్ యూట్యూబ్లో ఈ సినిమా రిలీజై దాదాపు ఏడేళ్లు దాటుతున్నా.. రీసెంట్ గా ఈ వ్యూస్ ఇంత స్పీడ్గా పెరగడానికి మెయిన్ రీజన్ సోషల్ మీడియా మీమ్స్ అండ్ రీల్స్. ఈ సినిమాలోని ఒక పవర్ఫుల్ ఎమోషనల్ యాక్షన్ సీక్వెన్స్, ముఖ్యంగా “నీ కూతురు నిప్పురా..” అనే డైలాగ్ ఇన్స్టా రీల్స్ అండ్ యూట్యూబ్ షార్ట్స్లో విపరీతంగా వైరల్ అయింది. దాంతో నార్త్ ఆడియన్స్ అంతా అసలు ఈ సీన్ ఏ సినిమాలోనిదో అని వెతికి మరీ ‘ఖూన్ఖార్’ మూవీని తెగ చూసేస్తున్నారు. దాంతో వ్యూస్ రాకెట్ లా దూసుకెళ్లాయి. ఫెయిల్యూర్స్ ఉన్నా.. హీరోనే తెలుగులో బెల్లంకొండ శ్రీనివాస్కి ‘అల్లుడు శీను’, ‘రాక్షసుడు’ లాంటి ఒకటి రెండు సినిమాలు తప్ప ఆశించిన సక్సెస్ రాలేదు. రీసెంట్ గా వచ్చిన ‘కిష్కింధపురి’తో ఓ మోస్తరు హిట్ అందుకుని మళ్లీ ట్రాక్లోకి వచ్చాడు. హిట్ అండ్ ఫ్లాప్స్ తో సంబంధం లేకుండా వరుస సినిమాలు చేస్తున్న ఈ యంగ్ హీరో.. నార్త్ ఇండియా డిజిటల్ మార్కెట్లో మాత్రం నెంబర్ వన్ కింగ్ అనిపించుకుంటున్నాడు. బాలీవుడ్ ఎంట్రీ డిజాస్టర్.. ఈ క్రేజ్ చూసే బాలీవుడ్ ప్రొడ్యూసర్ జయంతిలాల్ .. బెల్లంకొండ శ్రీనివాస్ని డైరెక్ట్ హిందీ ప్రాజెక్ట్తో లాంచ్ చేశాడు. ప్రభాస్ సూపర్ హిట్ సినిమా ‘ఛత్రపతి’ని వి.వి. వినాయక్ డైరెక్షన్లో హిందీలో రీమేక్ చేశారు. కానీ బ్యాడ్ లక్ ఏంటంటే.. ఆ సినిమా బాలీవుడ్ థియేటర్లలో ఘోరమైన డిజాస్టర్గా మిగిలింది. దాంతో మనోడు మళ్లీ బాలీవుడ్ వైపు కన్నెత్తి చూడకుండా మళ్లీ సౌత్ సినిమాలపైనే ఫోకస్ పెట్టాడు. పర్సనల్ లైఫ్ అండ్ నెక్స్ట్ ప్రాజెక్ట్స్ పర్సనల్ లైఫ్ విషయానికొస్తే.. ఈ ఏడాదే పెళ్లి చేసుకున్న బెల్లంకొండ శ్రీనివాస్ తన భార్యతో కలిసి ఫారిన్ ట్రిప్స్ ఎంజాయ్ చేస్తున్నాడు. అదే టైమ్లో కెరీర్ని కూడా స్పీడప్ చేశాడు. ప్రస్తుతం మనోడి చేతిలో మూడు నాలుగు ఇంట్రస్టింగ్ ప్రాజెక్ట్స్ ఉన్నాయి. త్వరలోనే ఆయన నటించిన ‘టైసన్ నాయుడు’, ‘హైందవ’ సినిమాలు రిలీజ్ కానున్నాయి. ఒకే ఒక్క వ్యూవర్, ఒకే ఒక్క రికమండేషన్, ఒకే ఒక్క షేర్.. అలా స్లోగా స్టార్ట్ అయి యూట్యూబ్లో ఏకంగా 100 కోట్ల వ్యూస్ సాధించిన ఫుల్ లెంత్ ఇండియన్ సినిమాగా ‘ఖూన్ఖార్’ సరికొత్త చరిత్ర సృష్టించింది. సక్సెస్ అనేది ఎప్పుడూ ఇమ్మీడియట్ గా రానవసరం లేదు.. ఒక్కోసారి మనం క్రియేట్ చేసిన కంటెంట్ ని ప్రపంచం గుర్తించడానికి కొంత కాలం పడుతుంది అన్నదానికి ఈ సినిమానే ఒక బిగ్గెస్ట్ ఎగ్జాంపుల్.