TOLLYWOOD UPDATE| ఫస్ట్ హాఫ్ మొత్తం డిజాస్టర్లే. ఇండస్ట్రీని సేవ్ చేసింది ఆ ఇద్దరే..

2026 స్టార్ట్ అయినప్పుడు టాలీవుడ్పై ఎక్స్పెక్టేషన్స్ ఓ రేంజ్ లో పెరిగాయ్. సంక్రాంతి పండక్కి స్టార్ హీరోల క్రేజీ లైనప్స్ చూసి.. ‘2026 టాలీవుడ్కి ఒక గోల్డెన్ ఎరా’ స్టార్ట్ అయినట్లు ట్రేడ్ వర్గాలు కాసింత గట్టిగానే లెక్కలు కట్టారు. అయితే ఫస్ట్ హాఫ్ అయ్యేసరికి సీన్ కంప్లీట్ రివర్స్ . ఈ ఆరు నెలల్లో వందకి పైగా సినిమాలు థియేటర్లలోకొస్తే... సక్సెస్ రేట్ జస్ట్ 5 % దగ్గరే ఆగింది. అంటే.. రిలీజ్ అయిన వాటిలో 95% పైగా సినిమాలు బాక్సాఫీస్ దగ్గర దారుణంగా బోల్తా పడ్డాయి. ఈ ఫస్ట్ హాఫ్లో టాలీవుడ్ బాక్సాఫీస్ ను షేక్ చేసిన మొనగాళ్లూ ఉన్నారు, కోట్ల మేర ముంచేసిన వాళ్లూ ఉన్నారు. ఆ వివరాలు ఏంటనేది ఓసారి చూద్దాం. బాక్సాఫీస్ను కాపాడిన 'మెగా' అండ్ 'సామ్' మ్యాజిక్ టాలీవుడ్ నీరసించిపోతున్న టైమ్లో.. బయ్యర్లకు, ప్రొడ్యూసర్లకు మైండ్ బ్లోయింగ్ ప్రాఫిట్స్ తెచ్చిపెట్టి, థియేటర్ల దగ్గర కాసుల వర్షం కురిపించిన సినిమాలు కొన్ని టాలీవుడ్కి ఊపిరి పోశాయి. అనిల్ రావిపూడి డైరెక్షన్లో మెగాస్టార్ చిరంజీవి నటించిన ‘మన శంకర వరప్రసాద్’ 300 కోట్ల వరల్డ్వైడ్ వసూళ్లతో ఈ ఏడాది ఫస్ట్ ‘క్లీన్ బ్లాక్ బస్టర్’గా నిలిచింది. సంక్రాంతి కానుకగా వచ్చిన ఈ మూవీలో విక్టరీ వెంకటేష్ గెస్ట్ రోల్ ఆడియన్స్కి ఫుల్ కిక్ ఇచ్చింది. చిరంజీవి కెరీర్లోనే ఇది హయ్యెస్ట్ గ్రాసర్ కావడం విశేషం. ఇక జూన్ నెలలో సమంత ఇచ్చిన గ్రాండ్ రీఎంట్రీ ‘మా ఇంటి బంగారం’ ఈ ఏడాది బిగ్గెస్ట్ సర్ప్రైజ్ హిట్. నందినీ రెడ్డి డైరెక్షన్లో వచ్చిన ఈ ఫ్యామిలీ డ్రామా జస్ట్ 65 కోట్ల కలెక్షన్స్ తో..పెట్టిన పెట్టుబడికి ఏకంగా 3 రెట్లు లాభాలు తెచ్చిపెట్టి మోస్ట్ ప్రాఫిటబుల్ మూవీగా నిలిచింది. పండుగ హాలిడేస్ ఫుల్ క్రేజ్.. యూత్ హీరోల సేఫ్ గేమ్ భారీ సినిమాల కాంపిటీషన్ ఉన్నప్పటికీ కంటెంట్ నమ్ముకుని వచ్చిన కొందరు యంగ్ హీరోలు ఈ హాఫ్ ఇయర్లో సేఫ్ జోన్లోకి వెళ్ళిపోయారు. సంక్రాంతి రేసులో నిలిచిన నవీన్ పొలిశెట్టి ‘అనగనగా ఒక రాజు’ కి మిక్స్డ్ టాక్ వచ్చినా.. ఫెస్టివల్ హాలిడేస్ అడ్వాంటేజ్ను పర్ఫెక్ట్ గా వాడుకుని దాదాపు 75 కోట్లు రాబట్టి విన్నర్గా నిలిచింది. అటు శర్వానంద్ రొమాంటిక్ కామెడీ ‘నారి నారి నడుమ మురారి’ కూడా క్లీన్ హిట్ టాక్ తెచ్చుకుని బయ్యర్లకు మంచి లాభాలను మిగిల్చింది. భారీ వసూళ్లు వచ్చినా.. 'పెద్ది' మిగిల్చిన మిశ్రమ ఫలితం. జూన్ నెలలోనే వచ్చిన మరో మోస్ట్ అవేటెడ్ ప్రాజెక్ట్ రామ్ చరణ్ ‘పెద్ది’. ఈ మూవీ బాక్సాఫీస్ దగ్గర ఒక ఢిఫ్రంట్ సిట్యూయేషన్ ని ఫేస్ చేసింది. వరల్డ్వైడ్ వచ్చిన కలెక్షన్స్ (దాదాపు 330 కోట్లు) పరంగా చూస్తే.. 2026లో ఇప్పటివరకు హయ్యెస్ట్ గ్రాసర్ ఇదే. కానీ దీన్ని కంప్లీట్ బ్లాక్బస్టర్ అనలేం. ఏపీ, తెలంగాణలో మాస్ ర్యాంపేజ్తో బ్రేక్ ఈవెన్ దాటి ప్రాఫిట్స్ తెచ్చిన ఈ మూవీ.. ఓవర్సీస్, హిందీ మార్కెట్ లో మాత్రం దారుణంగా ఫెయిలై నష్టాలు మిగిల్చింది. ఇదే లిస్ట్లో ఉన్న కపుల్ ఫ్రెండ్లీ, రాకాస, సింగ్ గీతంతో పాటు విష్ణు విన్యాసం, బ్యాండ్ మేళం సినిమాలు క్రిటిక్స్ నుంచి మంచి అప్రిషియేషన్ తెచ్చుకున్నాయి. ఇవి ఓపెనింగ్స్ బాగానే రాబట్టినా.. రకరకాల కారణాలతో లాంగ్ రన్లో థియేటర్లలో ఎక్కువ రోజులు నిలబడలేక కేవలం యావరేజ్ స్టేటస్తోనే సరిపెట్టుకున్నాయి. ఆశలు అడియాశలు.. టాలీవుడ్ని ముంచేసిన బిగ్గెస్ట్ డిజాస్టర్స్ భారీ బడ్జెట్, విపరీతమైన క్రేజ్, స్టార్ పవర్ ఉన్నా.. కంటెంట్ వీక్ అవ్వడంతో బాక్సాఫీస్ దగ్గర డిజాస్టర్ అయి, బయ్యర్లకు వందల కోట్ల నష్టాలను మిగిల్చిన సినిమాలు ఇండస్ట్రీని ముంచేశాయి. ప్రభాస్-మారుతి కాంబోలో సంక్రాంతి బరిలో వచ్చిన హారర్-కామెడీ ‘ది రాజా సాబ్’ ఆడియన్స్ని అస్సలు ఇంప్రెస్ చేయలేకపోయింది. 2026 ఫస్ట్ హాఫ్లోనే ఇండస్ట్రీకి బిగ్గెస్ట్ లాసెస్ మిగిల్చిన నంబర్ వన్ డిజాస్టర్గా నిలిచింది. ఇక పవన్ కళ్యాణ్ నటించిన ‘ఉస్తాద్ భగత్ సింగ్’ మరో బిగ్ షాక్. డే వన్ నుంచే నెగిటివ్ టాక్ రావడంతో, ఒక స్టార్ హీరో మూవీకి ఊహించని విధంగా సెకండ్ డే నుంచే కలెక్షన్లు క్రాష్ అయిపోయాయి. వీటితో పాటు రవితేజ ‘భర్త మహాశయులకు విజ్ఞప్తి’, అడవి శేష్ 'డెకాయిట్', విశ్వక్ సేన్ 'ఫంకీ' , సీతా పయనం, యుఫోరియా, బైకర్, మృత్యుంజయ, సతీ లీలావతి, జెట్లీ లాంటి సినిమాలు పెట్టిన పెట్టుబడిలో 50% కూడా రికవరీ చేయలేక డిజాస్టర్స్ లిస్ట్లో చేరిపోయాయి. స్ట్రెయిట్ సినిమాలు ఫ్లాప్.. డబ్బింగ్ సినిమాల ర్యాంపేజ్ స్ట్రెయిట్ తెలుగు సినిమాలు థియేటర్లలో స్ట్రగుల్ అవుతుంటే.. డబ్బింగ్ సినిమాలు మాత్రం తెలుగు స్టేట్స్లో సాలిడ్ వసూళ్లు రాబట్టాయి. ఈ ఆరు నెలల్లో రిలీజ్ అయిన డబ్బింగ్ మూవీస్లో ‘ధురంధర్-2’ బిగ్గెస్ట్ విన్నర్గా నిలిచింది. తెలుగులో ఏకంగా 50 కోట్ల గ్రాస్ రాబట్టి, టాలీవుడ్ టాప్ కలెక్షన్స్ లిస్ట్లో ఫోర్త్ ప్లేస్ను దక్కించుకుంది. అలాగే సూర్య నటించిన ‘వీరభద్రుడు’ యావరేజ్ అనిపించుకోగా.. బ్లాస్ట్, యూత్ చిత్రాలు బయ్యర్లకు మంచి లాభాలు తెచ్చాయి. కన్నడ మూవీ ‘కేడీ’, మలయాళ మోస్ట్ అవేటెడ్ సీక్వెల్ ‘దృశ్యం 3’ మాత్రం తెలుగులో ఘోరంగా ఫ్లాప్ అయ్యాయి. డ్రై సీజన్లో థియేటర్లను కాపాడిన రీ-రిలీజ్ ట్రెండ్ కొత్త సినిమాలు లేని ఫిబ్రవరి, మే లాంటి డ్రై సీజన్స్లో.. స్టార్ హీరోల బర్త్డేల సందర్భంగా పాత సినిమాలను 4K టెక్నాలజీతో రీ-రిలీజ్ చేసే హంగామా గట్టిగానే నడిచింది. కొత్త కంటెంట్ లేక థియేటర్లు వెలవెలబోతున్న టైమ్లో ఈ రీ-రిలీజ్ లు ఫ్యాన్స్ సెలబ్రేషన్స్కి హెల్ప్ అయ్యాయి. అయితే వీటి హంగామా కేవలం కొన్ని మెయిన్ థియేటర్లలో ఒకటి రెండు షోలకే పరిమితమైంది తప్ప బాక్సాఫీస్ రేంజ్ని మార్చలేకపోయింది. కంటెంట్ ఉంటేనే కాసులు మొత్తానికైతే.. 2026 ఫస్ట్ హాఫ్ టాలీవుడ్కి ఒక స్ట్రాంగ్ మెసేజ్ ఇచ్చింది. కేవలం భారీ బడ్జెట్, గ్రాఫిక్స్, స్టార్ కాస్టింగ్ ఉంటే సరిపోదు.. బలమైన ‘కంటెంట్’ ఉంటేనే ఆడియన్స్ థియేటర్లకు వస్తారని ప్రూవ్ చేసింది. సమ్మర్ సీజన్ లో కూడా అనుకున్న టైమ్ కి కొన్ని మూవీస్ రిలీజ్ కు నోచుకోలేదు. ఆడియన్స్ కూడా చిన్న సినిమాల్లోనైనా కొత్త రకమైన ఐడియాలజీ, డిఫ్రంట్ కాన్సెప్ట్స్ ఉంటేనే ఆదరిస్తున్నారు. ఈ ఆరు నెలల కాలంలో టాలీవుడ్లో హర్షాతిరేకాల కంటే నిట్టూర్పులే ఎక్కువగా వినిపించాయి. మరి సెకండ్ హాఫ్లో రాబోయే బిగ్ ప్రాజెక్ట్స్ అయినా టాలీవుడ్ జాతకాన్ని మారుస్తాయో లేదో చూడాలి.